|
|
Gefühlte Momente und Emotionen Gedichte über Stimmungen und was euch innerlich bewegt. |
|
Themen-Optionen | Thema durchsuchen |
19.02.2015, 10:32 | #1 |
R.I.P.
|
Wenn zum Fulebacher dr Böögg vrbrönnt
Vo wytem‘s trybt än ysige
Wind ä Jomerlut dür d‘Gasse, um mänge-n Egge-n ume-n und so zaghaft brüchig, as me zytwys chönnt mëyne, är göy i ne-n angery Richtig. Dië aute Dachvorboute zucke mit ker Schpryße-n und dr Uhrturm schtöut sech unbetëyligt zwüsche s‘Hottäü und dr Läbesmittulade, wo hütt nid lenger off hett. Doch dië, wo ume Platz schtöh, wüsse Bschëyd, si schtoße-n iri Füschtlig nume chly töyfer i Mantusack und lyre sech s‘Haustuëch no ëynisch meh um Nase-n und Ohre. Und wi sy warte, chunnt‘r nodisnoh dië längy Gass dürab. Wo isch er äch? Bim Nordmann oder ersch bim Buëchlade? - Dä truurig Zug mit syre-n eländ, eländ schöne Z‘Lychbättermusig! Lengscht ziëht mr e-n agnähmy Hüëhnerhut dr Äcke-n ab und z‘hinderscht i de-n Ouge macht sech öppis brëyt, wo wië-n e Glungge z‘Nacht ä Schwerzi schpiëglet. Mit schwäre Schritte trifft dä Truurmarsch y, biëgt um ne letschte Pfyler, suëcht dr Wäg zum Böögg, ge- mässe schrytet me-n e Durchlass ab, wo d‘Mängy ehrfüchtig offe b‘hautet. Wo dië schluchzende-n Inschtrumänt dr Tritt im Krëys um e Richtplatz gfunde hëy, do zünglet uf em Schyterhuufe-n es Flämmli; nid lang, de knischteret‘s und flackeret‘s fasch fröhlech um d‘Füeß vo däm Böögg. Und ig schtoh dört und luëge, wië Fätze, wo brönne, id‘Nacht use flüge-n und d‘Muure-n und d‘Fänschter föh afo tanze-n im gschpängschtische Schyn vo däm närrische Schyntod. I de Schoufänschterschybe, -n-im Bläch vo dr Musig und ou i de-n Ouge z‘ringsum gseht me, wi d‘Flamme sech legge-n und d‘Funke verände-n und plötzlech sëyt nöyme-n es Ching: „Isch fertig? Chöy mr jetz hëyzuë?" |
Lesezeichen für Wenn zum Fulebacher dr Böögg vrbrönnt |
|
Ähnliche Themen | ||||
Thema | Autor | Forum | Antworten | Letzter Beitrag |
Wenn das Wörtchen "wenn" nicht wär | AndereDimension | Humorvolles und Verborgenes | 0 | 08.12.2014 12:15 |
wenn ... | simbaladung | Sonstiges Gedichte und Experimentelles | 6 | 27.04.2014 15:51 |
Und wenn sie | FeelLetter | Gefühlte Momente und Emotionen | 2 | 28.09.2010 19:27 |