Weihnåchtsdreck

[Phantom87]

Am laungen Einkaufssamståg
Kurz vor'm Heilig'n Abn'd
Fåhr i in'd Shopping
Weil mei Oide hätt gern a G'wånd

A Tåsch'n von Armani
Und a iPhone 8
I find kan Parkplåtz
Jå des wird a launge Nåcht

Da Burli wintschat si vom Christkindl'
A PS4
Da Deitsche beim Saturn sågt:
"Die ham wir grade nicht hier"

Naguat daun geh' i hoit zum Libro
Der is glei ums Eck'
Auf amoi fållt ma ei
Die Oma wü a neiches Besteck

Stille Nacht, Heilige Nacht
Alles schläft... Außer i...

Weil i
Hob ka Göd mehr in da Tåsch'n
Des Konto laa i håb kan Grosch'n
Oiso scheiß i auf den Weihnåchtsdreck

Und bin weg!