|
|
Gefühlte Momente und Emotionen Gedichte über Stimmungen und was euch innerlich bewegt. |
|
Themen-Optionen | Thema durchsuchen |
06.03.2017, 11:14 | #1 |
R.I.P.
|
Chöytschgy (poème en prose)
Chöytschgy
Us em Briëfli cha me dy mit e chly Fingerschpitzegfyüëuw liëcht useschüttle. We me dy usem Schtaniouw usebletteret het, zeÿgsch dy no-n-e-chly ruuch und brüchig. Ersch we me dy mit dr Zunge guët platziërt und mit Schpöyz afüyëchtet, loosch dys Aroma lo schprütze-n und rugelisch luschtvouw vo eÿnere Syte-n uf dië angery. De isch‘s wi-n es Vrschpräche-n uf ewigy Liëby. Aber undereÿnisch gheÿsch zäme zu-m-ene schrumpelige Chügely, troche-n und hert. Dr Gout isch weder süyëss no bluëmig, nümm wi do‘z‘mouw. Es git-ere, wo für dä Momänt s‘Schtaniouw no im Sack heÿ und wo dy jetz mit schpitze Finger dört dry legge wi ne Rose-n uf ene Sarg. Si chöy uf dië Art pietätvouw vrmyde, dass i dym nöchschte Läbe muësch a myne Schuëhsole chläbe-n oder ewig d‘Untersyte vo-m-ene Schuëuwbank ziëre. Angery göh, ohny sech gross Gedanke z‘mache, am Kiosk es nöys Päckli go chouwfe. Wüuw si gloube gloub nid a d‘Ewigkeÿt. Geändert von urluberlu (06.03.2017 um 13:18 Uhr) |
09.03.2017, 19:22 | #2 |
R.I.P.
|
Verbesserte (?) Version.
Chöytschgy (poème en prose)
Us em Briëfli cha me dy mit e chly Fingerschpitzegfyüëuw liëcht useschüttle. We me dy usem Schtaniouw usebletteret het, zeÿgsch dy zersch no-n-e-chly ruuch und brüchig. Ersch we me dy mit dr Zunge guët platziërt und mit Schpöyz afüyëchtet, loosch dys Aroma lo schprütze-n und rugelisch luschtvouw vo eÿnere Syte-n uf dië angery. De isch es wi-n es Vrschpräche-n uf ewigy Liëby. Aber undereÿnisch schrumplisch zäme zu-m-ene Chügely, troche-n und hert. Dr Gout isch weder süyëss no bluëmig, überhoupt nümm wi auwbe. Es git-ere, wo für dä Momänt s‘Schtaniouw no im Sack heÿ und wo dy jetz mit schpitze Finger dört dry legge wi ne Rose-n uf ene Sarg. Si chöy uf dië Art pietätvouw vrmyde, dass i dym nöchschte Läbe muësch a Schuëhsole chläbe-n oder ewig d‘Untersyte vo-m-ene Schuëuwbank ziëre. Angery göh, ohny sech gross Gedanke z‘mache, am Kiosk es nöys Päckli go chouwfe. Wüuw si gloub nid a d‘Ewigkeÿt gloube. |
Lesezeichen für Chöytschgy (poème en prose) |
|
Ähnliche Themen | ||||
Thema | Autor | Forum | Antworten | Letzter Beitrag |
Serge an Jane (poème en prose) | urluberlu | Gefühlte Momente und Emotionen | 0 | 06.03.2017 09:47 |
Ce n'est pas un poème d'amour | Alfonsea | Liebe, Romantik und Leidenschaft | 2 | 26.09.2014 01:47 |