Chinder

[urluberlu]

Chinder, lehred zytig bysse,
stopfe, houe, chratze, schrysse,
schreÿet lut und löt nid lugg -
wär nid dränglet, dä blybt zrugg.

Lehret boxe, chlemme, schpöye,
löt ke Chriëgslischt öych la reue;
wär wott säuber wyter cho,
dä söu nid dr Vortritt lo.

Schtöuet s‘Hööggli, schränzet Hose;
brüelet öpper, tüet nid lose;
syg‘s ir Schueü - syg‘s deheÿ,
häufe, tröschte-n isch für d‘Söy.

Packt euch s‘Mitleÿd, tüet‘s vrhäbe,
lehret das fürs ganze Läbe!
Chinder, d‘Wäut isch ungerächt,
wär nid mitmacht, däm goht‘s schlächt.