Poetry.de - das Gedichte-Forum
 kostenlos registrieren Forum durchsuchen Letzte Beiträge

Zurück   Poetry.de > Gedichte-Forum > Sonstiges Gedichte und Experimentelles

Sonstiges Gedichte und Experimentelles Diverse Gedichte mit unklarem Thema sowie Experimentelles.

Antwort
 
Themen-Optionen Thema durchsuchen
Alt 31.01.2005, 11:52   #1
dmünchnerin
 
Dabei seit: 01/2005
Beiträge: 13

Standard Flügellahm

Hod oan da Sensenmo umgmaaht
und werd ma nauf in Himmi gwaaht,
reiht ma se ei am Haupteingang,
d Warteschlanga is nia lang.
Da Engelausweis werd ausgsteit,
Da neia Namma war scho gwäiht:
Koa Ahnung, wer se den ausdenkt!
Ma kriagt no sei weiß Gwand umghängt,
is fertig, wui scho Dankschön song,
hod aber doch no was zum frong:
"Ja, und Flügel kriag i koa?
Wachsn ma de vo alloa?"
In da Schreibstubn frommes Lacha:
"Do muaßt erst an Flugschein macha!"

Am nächsten Dog de erste Stund.
D Lernflügl sann knoibunt,
damit se d Schüler scho vo weitn
vo de Profis unterscheidn.
As Flüglschlong an Ort und Stei
lernt ma ziemlich schnei.
Da Lehrer schärft uns bsonders ei:
"Fliagts nia in graue Woikn nei!"
Dann geht s ums Grodausfliang,
ums Bremsen und a Kurvn kriang.
Scho boid saus i mit Mords Effet
wia friahra mit meim BMW.

Am letztn Dog im Schui-Parcour
fliag i mei letzte Lehrlingstour:
Bring an Turbo zum Aufjuchzen
und Schuiterglenk zum Schluchzen.
Vor mir a graue Woiknwand,
konn ned auweicha - und nimms dant.
D feichte Kältn auf de Schwinga
bringt d Kondition ins Schlinga.
Und mit jedm Flüglschlong
leert se de Last, de d Woikn drong.

Damit is klar, wanns warum rengt:
weil üba uns a Flugschui hängt.
dmünchnerin ist offline   Mit Zitat antworten
Antwort

Lesezeichen für Flügellahm

Themen-Optionen Thema durchsuchen
Thema durchsuchen:

Erweiterte Suche



Sämtliche Gedichte, Geschichten und alle sonstigen Artikel unterliegen dem deutschen Urheberrecht.
Das von den Autoren konkludent eingeräumte Recht zur Veröffentlichung ist Poetry.de vorbehalten.
Veröffentlichungen jedweder Art bedürfen stets einer Genehmigung durch die jeweiligen Autoren.