Poetry.de - das Gedichte-Forum
 kostenlos registrieren Forum durchsuchen Letzte Beiträge

Zurück   Poetry.de > Gedichte-Forum > Sonstiges Gedichte und Experimentelles

Sonstiges Gedichte und Experimentelles Diverse Gedichte mit unklarem Thema sowie Experimentelles.

Antwort
 
Themen-Optionen Thema durchsuchen
Alt 30.01.2005, 00:49   #1
dmünchnerin
 
Dabei seit: 01/2005
Beiträge: 13

Standard Flucht aus dem Paradies

As Paradies werd gern vaklärt
ois Ort, wo ma se s unbeschwert
vo Grippeviren, Not und Hast
im siaßn Nixdoa guadgeh laßt.
Und trotzdem is recht lätschad gwesn:
Koa Musi, koa Sex, nix zum Lesn,
koa Talkshow und koa Internet -
nix, wos Lustgewinn bracht hätt.
Und Leut? Es warn bloß zwoa,
Eva und Adam, ganz alloa.
So guat wia völlig hüllenlos,
ozogn mit am Bladl bloß.

Da Eva war s ganz bsonders fad.
Sie hod se denkt: "Es werd sche stad
wirklich Zeit, daß se wos riaht"
und hod an Adam do higfiaht,
wo de vabotna Frücht am Bamm
da Erkenntnis gwachsn sann.
Da Adam hod, genau wia heit,
zittert vor da Obrigkeit:

"Laß fei ja des Obst in Ruah,
sunst ziagn ma uns de Erbsünd zua.
I wui wegn Dir koan Ärger kriang
und aus m Paradies nausfliang."
D Eva drauf: "Des is mir wurscht!
Liaba Hunger und an Durscht,
und an Katarrh und Masern.
I wui lebn mit olle Fasern,
ins Lebn neiglanga und wos gspian!
Wer gwinna wui, muaß wos riskiern."

Sie halt an Apfe in da Hand,
spielt mit eahm umanand,
schaut zu ihrm Feigenbladl nunter
und sogt: "Da is fei no wos drunter."
Sie schaut auf seins: "Bei dir fei aa,
wos moanst, wia schee des waar!
Wenn s d neibeißt, könntat s sei..."

Da Adam packt den Apfe schnei,
wui n ois ganzn schlucka.
is am Würgn und Drucka:
da Apfe rührt se ned vom Fleck,
steckt im Hals auf halbn Weg.

Auf oamoi brausn Stürm,
Woikn sammeln se zu Türm,
a dicka Blitz schiaßt draus hervor
und spalt den Bamm entzwoa.
Wos folgt, des is allseits bekannt:
Da liabe Gott, in Wuat entbrannt,
hod zwoa rote Kartn zückt
und d Sünder in d Vabannung gschickt.

De schwere Tür fallt grad ins Schloß,
da Adam jammert: "Wos mach ma bloß?
Mia sann vadammt fia olle Zeitn!"
D Eva stemmt se d Händ in d Seitn:
"Hör auf zum wuisln; des pack ma scho;
werst seng, jetz geht as Lebn erst o.
Reiß de zamm, sei stark, ab morgn
muaßt nämlich Du fia uns zwoa sorgn."

Fia Evas Couragiertheit miassn
mia Frauen heit no biassn.
Mia habn ois ersts mitkriagt,
wos se durch unser Menschsei ziagt:
Wer aktiv is, werd strafgepeinigt.
Wer mitlafft bloß, vo Schuid gereinigt.
dmünchnerin ist offline   Mit Zitat antworten
Alt 30.01.2005, 19:55   #2
Riif-Sa
 
Dabei seit: 11/2004
Beiträge: 253

Üäh... *baff ist*

Na also wenn das mal nicht orginell ist. Hätte das gerne mal vorgelesen bekommen, vielleicht von... *umgugg* Mamono?

LG, Riif-Sa
Riif-Sa ist offline   Mit Zitat antworten
Alt 31.01.2005, 00:28   #3
Bluestar
 
Dabei seit: 04/2005
Ort: Chicago
Alter: 42
Beiträge: 155

Ich hätte gerne die Übersetzung dazu

Nein, im Ernst, ich finde es schön, auch mal Mundart hier zu finden und halte das durchaus für eine Bereicherung.

Schön!

Blue
Bluestar ist offline   Mit Zitat antworten
Alt 31.01.2005, 11:21   #4
dmünchnerin
 
Dabei seit: 01/2005
Beiträge: 13

Standard Vorlesung

Grüß Dich Riif-Sa,

hast natürlich recht: wenn man die Mundartsachen vorgetragen bekommt, versteht man sie wirklich besser. Ich könnte Dir das Gedicht ja mal am Telefon vortragen...

Beste Grüße
Karin
dmünchnerin ist offline   Mit Zitat antworten
Antwort

Lesezeichen für Flucht aus dem Paradies

Themen-Optionen Thema durchsuchen
Thema durchsuchen:

Erweiterte Suche



Sämtliche Gedichte, Geschichten und alle sonstigen Artikel unterliegen dem deutschen Urheberrecht.
Das von den Autoren konkludent eingeräumte Recht zur Veröffentlichung ist Poetry.de vorbehalten.
Veröffentlichungen jedweder Art bedürfen stets einer Genehmigung durch die jeweiligen Autoren.