S'Schbidzbuabalädale

[Ex-DrKarg]

S'Schbidzbuabalädale

Als Bua war i doch bettlarm,
Bin zom Stadtdoar nausganga,
Em Windr z'kalt, em Soomr z'warm –
Schnooga muaß ma do fanga.

Em Doar a Lädle onderbrochd,
A Fro hodd Guadsala verkoffd,,
Isch jeden Dag do drinna g'hockd
Hab' an iar Fenschderle na'g'lopft.

Doch mei Geld hod faschd niamols g'langd,
Do hods miar hald a Gudsle g'schengd.
I hab iar midd am Lächle dangd,
Mein Gang zur Judagass heg'lengd.

Do war mei Schual, als gloi i war,
S'Schbidzbuabalädale gibd's nemmr,
Mei Grundschual, wo i vier Joar war,
Kennd o en Näarle koinr nemmr.

Dia Froo hab i em Oog bis heid,
Dia Gudsla miar hodd emmr g'schengd.
Verbei ganga am Doar dia Leid
Ond koinr mear ans Froole dengd.


©Hans Hartmut Karg
2020

*

[Nöck]

Gefällt mir.

Dä Karg ein echter Schbidzbua isch,
dä zieht ein jeden übern Tisch.
Doch ist er hier nicht wohlgelitten,
inmitten Pimmeln, Schwänzen, Titten.

[Walther]

S'Dichta ischd a Konscht, mei Liebr,
Dia kå id jedr Käschtlesschiebr.
Drsell dahanna, der kås idda,
Deswäga fährt mr mit em Schlidda.

Der lernt in diesm Läba nix mei,
On dees ischd schad, sell sag i frei
Vo meira dichtrläbr weg.
Då kåsch nix macha, s'håt koin Zweck.

[Nöck]

Zitat von Walther

S'Dichta ischd a Konscht, mei Liebr

Es ischd a fesches Dichtafiebr