Dös mit`n Glaubm (Mundart)

[jokal]

Dös mit`n Glaubm

Monchmoi do glaubi,
daun ko is net glaubm,
wos i glaub.

Da Glaubm is dös, wos ma mecht,
drum is s`glaubm meistens guat,
owa zeitweis a schlecht.

Glaubm wos ma siagt,
is e net so schwa,
siagt mas net,
ko ma nur glaubm, wia wos wa.

Da Glaubm is dös, wos ma moat,
wos nu kimmt.
Nua glaubm, hoast net wissen,
wos d`Wirkligkeit bringt.

Zvü glaubm, is a oft net gscheit,
wei ma nia woas,
ob`s oan hintnochi net reit.

Goar net mehr glaubm,
des is a wieda bled,
wei ma daun moanat,
dass goa nix mehr geht.

A bissl wos glaubm,
is meistens dös gscheita,
weis daun eppat sei kunnt,
es geht do nu wos weita.