Poetry.de - das Gedichte-Forum
 kostenlos registrieren Forum durchsuchen Letzte Beiträge

Zurück   Poetry.de > Geschichten und sonstiges Textwerk > Sonstiges und Experimentelles

Sonstiges und Experimentelles Andersartige, experimentelle Texte und sonstige Querschläger.

Antwort
 
Themen-Optionen Thema durchsuchen
Alt 12.10.2007, 02:41   #1
Riif-Sa
 
Dabei seit: 11/2004
Beiträge: 253

Standard S’is ä wängl beinlisch

Dialägde sin ja so ä Ding. Fier misch als Saggsn isses mehr so ä beinlisches Ding, weil fier misch saggsisch immer glei verbundn is mit Ossi, Hinderwäldler und Albernheid. Eener, der säggsisch schbrischd, der wärd net rischdisch ärnsd genomm und desserweschn ganner och nüscht Wischtsches zu sachn ham. Wenn itze nu eener aus Saggsn de Andword gefundn hädde uff de Frache nach m’Lehm, M’Univärsum un dem ganz Räst (was durschaus aach meschlisch wär, weil mir Saggsn sin ja helle). Geener deedn ärnsd nehm, wenner sisch vor de Weldeffendlischgeit schdelln däde und selbstsischr sachn däde: „Zweeundfärdsch“. Alle dädn se lachn. De Hälfde dädn warscheilisch gar net vrstähn. Vrstäht’r, wassisch sachn will?

Glar had ä Dialägd och immer äwas zu dun mid Guldur un Gschischde, awwr heitzetache is des ähr Nähmsache. Viele Leide rähng sisch uff, wennse nach Ameriga gomm und dord gibds Menschn, die glohm, dass dr Hidler immer noch läbt un ned ämal im Gnasd sitzt. Was glohbd ihr, wie isch misch uffgerähscht hab, alssch in Wesdn gegomm bin und mir ä baar Leide gsacht ham, dass doch im Osdn alle gleisch redn dädn. Desserweschn gennde isch och ned aus Zwigge (Zwickau) gomm, es sei denn, isch hädde ä baar Gurse gemacht in Hochdeitsch (geen Witz). Schmeschte itze net ooch noch in die Gerbe neidreschn, ihr wissd so gud wie isch, dasses iewwerall solsche Vollpfosdn gibbd. Sch’hawwes nur langsam sadd, dassch misch für meen Dialägd schäm muss, obwohlsch äh nur so red, wennisch drheeme bin oder wennisch Dexde schreib fier NEON. Säggsisch is geene Schbrache fier dumme Bauern odr fier ewisch Gestrische. S’is nimma ne Schbrache, s’is a ganz normaler Dialägd. Blattdeutsch oder Schweidzrdeitsch, die genndn als Schbrache durschgehn. Geenisch Friedrisch August dr Dridde modzde schon vor dr Deilung Deitschlands rum und saachde: „Machd doch eiern Dregg alleene!“ Manschmal hawwe isch ooch so n’Gefiehl, awwer dann heesds widder, dassisch de Mauer wiederham will.

Dazu mussich ganz glar mal sachen: Nee! Um nischd in dr Weld. Da däde isch liewwer Gurse in Hochdeitsch besuchn und gloobd ja net, dass des nüschd middnnanner zu dun hädde! Im Geeschndeil, manschmal hawwe isch das Gefiehl, als wenn Fiele glohm dädn, mir dädn uns de DDR wiederwinschn, weil mir immr noch saggsisch redn. Sin doch itze Deutsche, gennse doch ooch deitsch redn. Mr gann zwar ratschional arschumendiern, dassmer da Äbbeln mit Bärn vergleischen dud, awwr am Enne isses ghüpf wie gsprung, denn mr gann sisch ja ni erglärn. S’verstähd een ja eh keener un wenn doch, machense sisch iwwer disch lustsch. Sch’hab nüschd dageschn, wemmer sisch iewwer dähn Dialägd lustsch machd, mir Saggsn ham ja Humor un genn och iewwer uns selbs lachn, awwr sch’gans uffn Dod ned leidn, wemmer vom Dialägd uff geistsche Fähschgeidn schließn dud un wemmer daruffhin alle iewwer een Gamm scherd.

In Würtenbersch sachen se: „Mir genn alles, außer hochdeitsch.“ Desselbe gennde ma och iewwer Saggsn sachen un des wäre genauso ochenzwingernd gemeend. Des i sitze geene Predischd, dassmer sisch ned iewwer Dialägde lustsch machn soll. Sch’mach des ständsch mid de Bayern. Sch’wollde des eenfach nurma loswärn und zwar so, wiemer des bei uns in Saggsn machen däde.
Riif-Sa ist offline   Mit Zitat antworten
Alt 12.10.2007, 02:45   #2
Bluestar
 
Dabei seit: 04/2005
Ort: Chicago
Alter: 42
Beiträge: 155

Was mich wirklich erschreckt ist, dass ich wohl alles verstanden habe 8o
Bluestar ist offline   Mit Zitat antworten
Alt 12.10.2007, 02:48   #3
Riif-Sa
 
Dabei seit: 11/2004
Beiträge: 253

Ach komm... als ob da so schwer wäre
Riif-Sa ist offline   Mit Zitat antworten
Antwort

Lesezeichen für S’is ä wängl beinlisch

Themen-Optionen Thema durchsuchen
Thema durchsuchen:

Erweiterte Suche



Sämtliche Gedichte, Geschichten und alle sonstigen Artikel unterliegen dem deutschen Urheberrecht.
Das von den Autoren konkludent eingeräumte Recht zur Veröffentlichung ist Poetry.de vorbehalten.
Veröffentlichungen jedweder Art bedürfen stets einer Genehmigung durch die jeweiligen Autoren.